Popular Bible Verses from 2 Timoteo 1

Share

Tumen Kue' ma' tu dzáa to'on u pixanil sajaquil, ba'ale' u pixanil páajtalil, yaacunaj yéetel ma'alob tuucul.

Kue' tu toco'on yéetel tu t'ano'on u ti'al c bisic jun p'éel cuxtal jun páaycunta'an u ti'al leti', ma' tu yo'olal wa ba'ax utzil t betaj to'oni', ba'ale' tumen bey tu tucultajil leti', yéetel tu yo'olal le siibal utzil tu dzáa to'on ti' Cristo Jesús ma'ili' cáajac yóokolcaabe'

Le o'olal quin kubentic teech ca a líikes u káakil le páajtalilo'ob tu dzáa teech Kuo' le ca tin dzáa in kabo'ob ta wóokolo'.

Ma' a ch'a'ic túun subtal a jaajcunaj tu yo'olal c Yuumtzil, mix a ch'a'ic subtal ti' teen, máaxen kala'anen tu yo'olal leti'. U ma'alobile', ca táacpajquech ti' le mukyajo'ob cu taalo'ob tu yo'olal le ma'alob péectzilo' áanta'anech yéetel le muuk cu dzáic Kuo'.

Tu yo'olal lelo' quin mukyajtic tuláacal le ba'alo'oba'. Ba'ale' ma' táan in ch'a'ic subtal tumen tene' jach in wojel ti' máax in wocsmaj in wóol, yéetel jach in wojel leti'e' yaan páajtalil ti' u ti'al u canant tac ti' le kiino' le ba'ax in kubentmaj ti'o'.