Popular Bible Verses from 1 Timoteo 6

Share

Ba'atelt u ma'alob ba'atelil le ocsaj óolalo'; mach le cuxtal mina'an u xuulo', tumen Kue' tu t'anajech u ti'al lelo', yéetel dzo'oc a wa'alic jach ma'alob ba'ax a wocsaj óolal tu táan ya'abcach jaajcunajo'ob.

Tumen u yaacunaj le taakino' u mootz tuláacal u jejeláasil kaas; yaan dze'edzec máaque' tu yo'olal u dzíiboltico'obe', dzo'oc u tzeelicuba'ob ti' le ocsaj óolalo' yéetel dzo'oc u chupico'ob yéetel yaayaj óolal u cuxtalo'ob.

Tu jaajile' le ocsaj óolalo' jun p'éel nojoch náajal ba'ale' u ti'al le máax qui'imac u yóol yéetel le ba'ax yaan ti'o'.

Tumen mixba'al t taasaj way yóokolcaabe', mixba'al xan cu páajtal c bisic

Le máaxo'ob yaan u ayikalil yóokolcaab ti'obo', túuxt ti'ob ma' u ca'analtal u yicho'ob, mix u dzáico'ob u alab óolalo'ob ti' le ayikalilo', tumen jach máanalbe'en. Ba'ale' ca u dza'ob u alab óolalo'ob ti' le cuxa'an Kuo' máax dzáic to'on tuláacal ba'al jach ya'ab u ti'al utzil.

Ba'ale' le máaxo'ob u káato'ob ayikaltalo', cu lúubulo'ob ti' le túuntaj óolalo' yéetel ti' u sat óolil ya'abcach chéen cunel dzíibolalo'ob cu lobiltico'ob máac yéetel cu bisico'ob máac ti' kascunajil yéetel ti' xu'ulsajil.

Ca u beeto'ob utz, ca ayikalchajco'ob ti' ma'alob meyajo'ob yéetel ca yanac u pucsi'ikalil ti'ob u dzáico'ob le ba'ax yaan ti'obo'. Beyo' bíin yanac ti'ob le ayikalil cu dzáic tu'ux u jéedzelo'ob ma'alob u ti'al le kiino'ob bíin taalaco', yéetel bíin u macho'ob le cuxtal mina'an u xuulo'.