Popular Bible Verses from 1 Juan 5

Share

Yaan to'on kub óolal ti' Ku, tumen c ojel wa c káatic wa ba'ax je'el bix utz tu t'aane', leti'e' cu yu'ubico'on.

Je'el bix c ojel Ku cu yu'ubic c payalchi'obe', bey xan c ojel dzo'oc u yantal to'on le ba'ax dzo'oc c káatic ti'o'.

Tumen u yaabilta'al Kue' u yu'ubaj t'anta'al u ya'almaj t'aano'ob; yéetel u ya'almaj t'aano'obe' ma' talamo'obi', tumen tuláacal máax sija'an ti' Kue' cu dzáancha'atic yóokolcaab. C ocsaj óolale' cu beetic c dzáancha'atic yóokolcaab.

Le máax yaan u Paal Ku ti'e', bey xan yaan le cuxtal ti'a'; ba'ale' le máax mina'an u Paal Ku ti'e', mina'an le cuxtal ti'a'.

Quin dzíibtic lela' ti' te'ex ca wocsaj óoltique'ex u Paal Kue' u ti'al a wojéeltique'exe' yaan te'ex cuxtal mina'an u xuul.

C ojel le máax sija'an ti' Kue', ma' táan u xíimbal ti' keban; tumen cu cananta'al tumen u Paal Ku yéetel ma' táan u ma'achal tumen kasiba'al.