Popular Bible Verses from ETUNDILO 9

Share

Puãi nda tava oku popela omuenyo wove okuti hu lekisa unene wange, onduko yange ha yi tukuiwa kilu lieve liosi.

Yehova yu wa popia la Mose hati, Kuende ku Fareo, ko sapuile huti, Ca popia Yehova, Suku ya va Heveru ceci, hati, A ece omanu vange oco va ka fendele.

Momo cilo nda ndoluĩle ale eka liange oku ku veta lefengi ove lomanu vove, okuti nda wa tetiwile kilu lieve.

tala! eka lia Yehova il veta ovinyama viove vi li vusenge, otuvalu, lovimbulu kuenda olongamelo loviunda violongombe levi violomeme lolohombo. Ku kala ociyefu ca kãla enene. Puãi Yehova o tepisa pokati kovinyama via va Isareli lovinyama via va Egito okuti kovinyama viosi via va Isareli ka pa fi cimue.

Oco hẽla muẽle pekumbi ndopo, ndokisa ociwe ca kãla okuti ve Egito ka mua la kala ociwe ndoco tunde kefetikilo liayo toke ketali lilo. Oco cilo tuma lombili oku iñisa olongombe viove lovinyama viosi o kasi lavio vusenge. Momo ociwe ci lokila omanu vosi lovinyama viosi vi kasi vusenge okuti ka va vi nenele vimbo, kuenje vi fa.

Li linga oneketela kofeka yosi ye Egito, li kokela omanu lovinyama ovipumbu layuya kofeka yosi ye Egito. Ovo va yoya etiko liovofolono, va talama kovaso a Fareo, kuenje Mose wa li imba vilu. Lia kokela omanu lovinyama ovipumbu layuya.