Popular Bible Verses from ETUNDILO 20

Share

Ame ndi Yehova Suku yove, nda ku upa vofeka ye Egito, vonjo yupika. Ku ka kale lolosuku viñi, te ame.

Ku ka lisongele ociñumañuma pamue esetahãlo lieci ci kasi kilu, pamue lieci ci kasi posi, pamue lieci ci kasi vovava vemẽhi liongongo; ku ka vi fendela pamue oku vi vumba, omo ame Yehova, Suku yove, ndi Suku yesepa, oku fetuluinya komãla vavo toke kocitumbulukila catatu leci cakuãla cava va suvuka ame

Sumba so la nyõho oco oloneke viove vi lue vofeka yina yi ku iha Yehova Suku yove.

Ivaluka eteke liesambata oku li kolisa.

Ku ka tukule onduko ya Yehova Suku yove lesanda, omo Yehova ka yowisa u o tukula onduko yaye lesanda.

Oloneke epandu o talavaya oku linga upange wove wosi; puãi eteke liepanduvali olio esambata lia Yehova Suku yove. Veteke liaco ku ka lingemo upange, ove muẽle, pamue omõlove ulume, pamue omõlove ukãi, pamue upika wove ulume, pamue upika wove ukãi, pamue ongombe yove, pamue ukombe o kasi vonjo yove.

Ku ka livele onjo yokuẽle, ku ka livele ukãi wokuẽle, pamue upika waye ulume, pamue upika waye ukãi, pamue ongombe yaye, pamue ocimbulu caye. Cosi cokuẽle ku ka ci livele.

Ku ka imbile ukuẽle uvangi wuhembi.

Ku ka pekelise.

Ku ka ipaye.

Ku ka ive.