Popular Bible Verses from Romo 3

Share

ne dia antu tshe wakatshi kolo, hawukumi lu yediko ya lutumbu la Unyashungu. Vo wambuyindjama anyanya uma lu ngandji kandi ka mamba, uma lʼetshungwelu keli le Kristu Jesu.

ne dia ololo wa Unyashungu uma lu mbetawo le Jesu Kristu le wane tshe watuwetawoka. Nduku etshikitanelu keli lʼasa usi Juda la usi Ngirika

Ndʼako lakakitsha Unyashungu uku ulambu wa nambwela antu wa kolo, la mbetawo ka lu dikila diandi, ne dia ntenya ololo wa Unyashungu, ne dia ndi akendjula akambu wa kolo wakatshama ntundu. Okone ndi ambutenya ololo andi lʼetena kene, ne dia ndi atuyindjaka one latetawoka Jesu.

Nduku untu ayuyindjama lu ashu wa Unyashungu lu etsha wʼelembe, ne dia ewu kʼakambu wa kolo katuyakaka uma lu elembe.

Uku akafundama ati: Nduku untu leli ololo, kuyanga otoi. Nduku untu lamana akambu fundu, Nduku untu latuyangaka Unyashungu. Vo tshe wambunganela, vo tshe wambutsho lu kolo. Nduku untu lʼatei awo latutshaka ololo, nduku otoi.

Shu mbetawoka shati: Untu atuyindjamaka uma lu mbetawo kandi, aha uma lʼetsha wʼelembe.

Aha osoku: Ee, Unyashungu atanemi la mete, kuyanga le untu tshe leli kanga kashi. Uku akafundama ati: Ne dia we uyindjami lu aui aye, La we ndjala undeki lamʼeye lʼelumbwelu.