Popular Bible Verses from Tito 3

Share

Tsaynö kawaykashqam Dios Yaya kuyakuq kayninwan salvamashkantsik. Manam allita ruranqantsikpitatsu salvamashkantsik, sinöqa jutsayuq kaykashqapis llakipämarnintsikmi salvamashkantsik. Jutsantsikpita mayllamarnintsikmi Espíritu Santuta kachamur mushuq kawayta qaramashkantsik. Espíritu Santutam tsaynö kachamushqa salvamaqnintsik Jesucristo noqantsik rayku wañunqanpita. Jutsasapa kaykashqam dembaldilla änimashkantsik herenciantsikta chaskir paypa puntanchö imayyaqpis kawanapaq.

Wawqikunata y panikunata yachatsinki mandakuqkunata y autoridäkunata respitar cäsukuyänanpaq y allita imaypis rurayänanpaq. Tsaynölla yachatsinki mana washarima kayänanpaq, piwanpis mana piñanakuyänanpaq, alli shonquyuq kayänanpaq y pïmaywanpis shumaq kawakuyänanpaq.

Wakinkunaqa unay ayllunkuna pï kanqanta y Israel runakunapa costumbrinkunapaqmi piñanakuyan. Tsaykunapaq ama piwanpis piñanakunkitsu. Tsaynö piñanakuyankipis manakaqllapaqmi.

Tsaynö piñanakatsiqkunataqa ishkay kuti plëtunki. Plëtuptikipis mana cäsuyäshuptikiqa qarquskinki.