Popular Bible Verses from Romanos 6

Share

Jutsa rurayqa wañuymanmi apamantsik. Peru Señornintsik Jesucristo noqantsik rayku wañushqa kaptinmi Dios Yaya dembaldilla salvamantsik puntanchö imayyaqpis kawanapaq.

Manam Dios Yayapa leyninkunata cumpliyanqaykiman confiakurtsu salvakäyanki, sinöqa llakipäkuq kayninman confiakurmi. Tsaynö kawarmi jutsapa poderninchönatsu kayanki.

Bautizakunqantsik höram Jesucristuwan pampakashqanö kashkantsik. Jesucristuta Dios Yaya poderösu kayninwan kawatsimunqannömi noqantsiktapis mushuq kawayta qaramashkantsik.

Llutan ruraykunaman ama mëtikuyaytsu. Wañuyanqaykipita kawamushqanö kaykarqa Dios Yayapa poderninchöna kawayay. Llapan cuerpuykipis Dios Yayallapaqna katsun.

Shumaq tantiyakushun. Unay kawaynintsikqa Jesucristuwan cruzchö wañushqanam kaykan. Tsaymi kananqa jutsapa poderninchönatsu kaykantsik.

Tsaynölla qamkunapis jutsa ruraypaq wañushqanöna kayay. Kananqa [Señornintsik] Jesucristuchö kar Dios Yaya munanqannö kawayay.

Tsaynö kaykaptinqa Dios Yaya mas llakipämänapaq ¿jutsata rurartsuraq kawashwan? ¡Manam! Jutsa ruraypaqqa wañushqanönam kantsik. Tsaynö kaykarqa ¿imanöparaq jutsata rurar kawashwan?

Jutsata rurar kawashqam jutsa ruray patronnintsik. Serviqninta patronnin imayka munanqanta ruratsinqannömi jutsa ruraypis patronnintsik kar munanqanta ruratsimantsik. Tsaynö kawarmi castigashqa kashun. Peru Dios Yaya patronnintsik kaptinmi sïqa salvakantsik.

Unayqa jutsa ruraymi patronnikikuna karqan. Peru Jesucristupa willakuyninta llapan shonquykikunawan chaskishqa karmi kananqa Jesucristupa poderninchöna kaykäyanki. Tsaymi Dios Yayata agradëcikü. Jutsapa poderninpita librina karmi Dios Yaya munanqanta rurarna kawaykäyanki.