Popular Bible Verses from Proverbios 3

Share

Llapan shonquykiwan Dios Yayaman confiakuy. Ama kikikipa yachayllaykiman confiakuytsu. Imata rurarpis Dios Yaya munanqannö kananpaq yarpachakuy. Tsaynö kawakuptikim alli kawakunaykipaq yanapashunki.

Ama yachaq tukur aläbakuytsu. Masbien Dios Yayapita mantsakur mana alli ruraykunata dëjay.

DIOS YAYATA adorar imaykipis kanqanpita y chakraykichö punta poquqpita ofrendata apay. Tsaynö apaptikim wajikimanpis kichkinqanyaq mikuynikikuna kanqa. Üvatapis maytsikata qoriptikim puyñuykikunapita vïnupis pütsinqaraq.

Imaypis ama qonqankitsu kuyakuq kayta y rasun kaqllata parlayta. Mana qonqanaykipaq wallqatanö wallqaray. Imaypis yarparänaykipaq shonquykiman qellqay.

Hïju, DIOS YAYA corrigishuptiki ama jaqayaytsu. Jaqayanqaykipa rantin chaskikuy. Kuyanqan tsurinta taytan corrigiqnömi DIOS YAYAPIS kuyanqan kaqta corrigin.

Hïju, yachatsinqaqkunata ama qonqankitsu. Mandamientükunata imaypis yarparanki. Tsaynö mana qonqarmi atska wata kushishqa kawakunki.

Kushishqam kawakunqa yachayyuq y alli yarpayyuq runa. Yachayyuq kaymi qellaypita y chaniyuq qoripitapis mas välin. Kuyakuypaq rumikunapitapis masmi välin. Yachaymanqa imayka munanqaykipis manam iwalantsu.

Yanapayta puëdiykarqa faltapukuqta sas yanapanki.

DIOS YAYAM yachayninwan kay patsata y ciëluta kamarqan.