Popular Bible Verses from Marcos 9

Share

Jesúsnam nirqan: <<¿Imanirtan <puëdirqa> nimanki? Rasunpa creyiptikiqa manam ni imapis ajatsu>>.

Tsaynö niptinmi jövinpa taytan nirqan: <<¡Awmi, creyïmi! Mas creyikunäpaq yanapaykallämay>>.

Tsaypita juk wajiman Jesús yaykuskiptinmi discïpulunkuna tapuyarqan: <<Noqakunaqa ¿imanirtan tsay supayta qarquyta puëdiyashkätsu?>> Jesúsnam nirqan: <<Tsaynö supaytaqa [ayunar] Dios Yayata mañakurraqmi qarquyanki>>.

Kachiqa allim. Peru qamyaskirqa manam imapaqpis välinnatsu. Runa majikiwan kuyanakur alli kawakurqa qamkunapis kachinömi kayanki>>.

<<Kay wamranö kaqkunata shutïchö pipis chaskirqa noqatam chaskiyäman. Noqata chaskimarqa kachamaqnï Taytätam chaskiyan>>.

Rasun kaqtam niyaq: Discïpulü kayanqaykipita pipis juk täza yakullatapis qarayäshurnikiqa premiutam chaskinqa>>.

<<Pipis noqaman creyikamuq juk wamrallatapis jutsaman ishkitsiptinqa mas allim kanman mulinu rumita kunkanman watarkur lamarman jitarpuyaptin.

<<Ñawiki jutsata ruratsiyäshuptikiqa jipiskiyay. Infiernuman ishkan ñawiyuq jitarpushqa kayanqaykipa rantin mas allim kanman jukaq ñawikillawanpis Dios Yayapa mandakuyninman yaykuyaptiki.