Popular Bible Verses from Marcos 6

Share

Tsaychö atskaq runakuna kayaptinmi mikuyänanpaqpis tiempun karqantsu. Tsaymi apostolninkunata Jesús nirqan: <<Aku aywashun tsunyaman tsaychö jamaykunapaq>>.

Jesúsnam nirqan: <<Wakin markakunachö profëtata chaskiyaptinpis ayllunkuna y marka majinkunaqa manam chaskiyantsu>>.

Büquipita yarpuskirnam atskaq runakuna shuyaraykäyaqta Jesús tarirqan. Mitsiqninnaq üshakunanö kaykaqta rikarmi llakiparnin imaykata yachatsirqan.

Tsaynö mana chaskiyaptinmi ima milagrutapis tsay markachö rurarqantsu. Tsaypa rantinmi juk ishkay qeshyaqyashakunallata yataykur kutikätsirqan. Marka majinkuna payman mana creyiyaptinmi Jesús alläpa llakikurqan. Tsaypitanam markakunapa, jallqakunapa runakunata yachatsikur Jesús purirqan.

Tsaypitanam pitsqa tantatawan ishkay pescäduta aptarkur ciëluman rikarkur Dios Yayata Jesús agradëcikurqan. Tantata pakiskirnam discïpulunkunata makyarqan runakunata aypuyänanpaq. Tsaynöllam llapan mikuyänanpaq ishkay pescädutapis makyarqan. Pacha junta mikuskiyaptinnam sobraq tantakunata y pescädukunata chunka ishkay canasta juntata qoriyarqan.