Popular Bible Verses from Marcos 2

Share

Tsaynö niyanqanta wiyarmi Jesús nirqan: <<Sänu kaqkunaqa manam mëdicuta wanayantsu, sinöqa, qeshyaykaqkunallam. Noqaqa manam jutsannaq runakunamantsu shamushkä, sinöqa jutsasapa runakunamanmi>>.

Tsay runakuna payman creyikuyanqanta musyarmi qeshyaykaq runata Jesús nirqan: <<Hïju, llapan jutsaykipitam perdonashqana kanki>>.

Tsaypitanam Jesús nirqan: <<Manam jamay junaq raykutsu runata Dios Yaya kamarqan, sinöqa runakuna raykum jamay junaqta kamarqan.

Maytsikaq runakuna kichki kayaptinmi punkupa yaykatsiyta puëdiyarqantsu. Tsaymi waji jananman lätarkatsir qatashqata kichaskir tsakrankantinta Jesúspa puntanman bäjatsiyarqan.

Runapa Tsurinmi kay patsachö runakunata perdonananpaq poderyuq kaykan. Tsaytam kanan musyayanki>>. Tsaypitam mana puriyta puëdiq runata nirqan: <<¡Shäriy! Tsakrankaykita apakurkur wajikipa kutikuy>>.

¿Mayqantan mas aja? ¿Runapa jutsankunata perdonayku? ¿O qeshyaykaq runata kutikätsiyku?

Tsaynö niptinmi jina höra sharkur tsakrankanta apakurkur kutikashqana aywakurqan. Tsayta rikaykurmi runakuna alläpa mantsakashqa Dios Yayata alabar niyarqan: <<¡Kay runa kutikätsinqantanöqa manam ni imaypis rikashkantsiktsu!>>