Popular Bible Verses from Mateo 13

Share

<<Peru wakin runakunam sïqa alli allpanö kayan. Paykunam Dios Yayapa willakuyninta chaskir Dios Yaya munanqannö kawakuyan. Tsaymi alli allpachö juk murullapita pachak (100) trïgu o soqta chunka (60) trïgu o kimsa chunka (30) trïgu wayunqannö kayan>>.

<<Wakin kaq runakunaqa kasha chakranömi kayan. Paykunaqa Diospa willakuyninta wiyarpis kay vïdachö imaykapaq llakikur y rïcu kayllapaq yarpachakurmi Diospa willakuyninta qonqaskir mana wayuq trïgunö kayan.

Trïgu muruqa Dios Yayapa mandakuyninpa willakuyninmi. Wakin runakunaqa chukru näninömi kayan. Tsaymi Dios Yayapa willakuyninta wiyarpis mana chaskikuyaptin Satanás shamur wiyayanqantapis qonqaskatsin.

<<Wakin runakunaqa shallama chakranömi kayan. Paykunam Diospa willakuyninta wiyar kushishqa chaskiyan. Peru kushishqa chaskirpis jawäkuyta mana puëdiq trïgunömi kayan. Tsaymi Diospa palabranta chaskiyanqanpita runakuna chikiyaptin creyikuyninta dëjaskiyan.

<<Dios Yayapa mandakuyninmi chakrachö qellay pamparaqman iwalan. Juk runash chakrachö maytsika qellay pamparaykaqta tariskinaq. Tsay qellayta tariskirshi kanqallanman pampaykunaq. Tsaypitanash llapan imaykankunata rantikuskir tsay qellay pamparaq chakrata kushishqa rantinaq.

Peru wakin murunash sïqa alli allpaman shikwanaq. Tsaychö alli wiñämurshi alli espïgayuq kayänaq. Wakin espïgash pachak (100) trïguta wayunaq, wakin espïgash soqta chunka (60) trïguta wayunaq y wakinnash kimsa chunka (30) trïguta wayunaq.

Siëgayaq tsaychö dëjaykuyay. Sëgaqkunatanam nishaq: <<Puntata ballïcuta qoriskir waykanapaq wankuyay. Peru trïguta sïqa qoriskir qollqäman churayay>> > >>.