Popular Bible Verses from Joel 2

Share

DIOS YAYAM nin: <<Llapan shonquykikunawan perdonta mañakayämar noqaman kutiyämuy. Jutsaykikunapita arrepentikurnin ayunar waqayay>>.

28 (3.1) <<Tsaypitanam Espïritüta llapan runakunaman kachamushaq. Tsaymi ollqu tsurikikuna y warmi tsurikikunapis willakuynïta willakuyanqa. Awkinkunatapis sueñuyninkunachömi musyatsishaq. Jövinkunapis revelaciontam rikäyanqa.

Jutsaykikunapita pësakur llatapaykikunata rachiyanqaykipa rantin jutsaykikunata dëjayay. Llapan shonquykikunawan kuyashuqniki DIOSNINTSIK munanqannö kawakuyay. Payqa llakipäkuq y perdonakuqmi. Imapitapis manam sas rabyakuntsu. Perdonarqa manam castigayäshunkinatsu.

32 (3.5) Tsaynö kaptinpis noqaman mañakamuq kaqtam pïmaytapis salvashaq. Prometinqänöllam Sión lömachö kaykaq Jerusalénchö runakunata salvashaq. Qayanqä kaqkunatam llapanta salvashaq>>.

31 (3.4) Rupaypis tutapanqam. Killapis yawarmanmi tikranqa. Tsaykunam kanqa juzganä junaq manaraq chämuptin. Tsay junaqqa alläpa mantsakaypaqmi kanqa.