Popular Bible Verses from Isaías 45

Share

Chaniyuq tesörukunatam alistapäshayki. Pakaraykaq riquëzäkunatam makyashayki. Tsaynöpam musyanki Israel runakunata kuyaq DIOS YAYA kanqäta. Tsaynöllam musyanki shutikipa kikï qayanqaqta.

Kikïmi puntaykita aywar altu jirkakunatapis pampatsäshaq. Bronci punkukunatam jankat pakishaq. Fiërru trancakunatapis jankatmi ñututsishaq.

Noqam DIOS YAYA kä. Noqapita masqa manam juk Dios kantsu. Mana servimaptikipis valienti kanaykipaqmi yanapashayki. Tsaynömi yanapashayki kay patsapa juk kuchunpita jukaq kuchunyaq noqalla DIOS YAYA kanqäta musyayänanpaq. Noqam DIOS YAYA kä. Noqapita masqa manam juk Dios kantsu.

Noqam permïtï junaq y paqas kananpaqpis. Noqam permïtï bendición o desgracia kananpaqpis. Noqa DIOS YAYAM llapan tsaykunata permïtï>>.

<<Patsa kuchunchö täkuqkunapis, cäsuyämar confiakayämay. Confiakayämaptikim salvayäshayki. Noqallam Dios kä. Noqapita masqa manam juk Dios kantsu.

Cirutam DIOS YAYA nin: <<Qamtam akrashkaq rey kanaykipaq. Makipita jancharkurmi yanapashayki nacionkunata podernikichö katsinaykipaq, poderyuq reykunata ushakätsinaykipaq y marka punkuta kichapuyäshunaykipaq. Tsay punkutaqa manam pipis wichqapushunkitsu.

Llapanmi puntäman qonqurikayämunqa. Llapanmi cäsuyämänanpaq niyämanqa. Tsaypaqmi kikïpa shutïchö jurashkä. Imatapis permïtinäpaq änirqa mana qonqarmi cumplï.

<<Servimaqnï Jacobta kuyarmi y akranqä Israel runakuna raykum mana reqimaptikipis shutikipa qayar akrashkaq.