Popular Bible Verses from Gálatas 4

Share

Wamran kashqam Tsurin Jesucristo prometinqan Espíritu Santuta shonquntsikman Dios Yaya kachamurqan. Espíritu Santum Dios Yayata imaypis nin: <<¡Abba, Taytallä!>> Tsaymi servikuqnönatsu kantsik, sinöqa Dios Yayapa wamrankunana kantsik. Wamranna karmi prometimanqantsik herenciata [Jesucristo rayku] chaskishun.

Prometinqan junaq chämuptinmi Dios Yaya Tsurinta kachamurqan. Paymi noqantsiknö yurishqa kar tsay leykunapa poderninchö karqan. Tsaynö karqan leykunapa poderninchö kanqantsikpita salvamänapaqmi. Tsaynöpam paypa wamrankunana kanapaq qorimashkantsik.

Kananmi sïqa Dios Yayata reqiyanki y paypis reqiyäshunki. Tsaynö kaykaptinqa ¿imanirtan Moisés qellqanqan leykunata cumpliyta munar yapay servikuqnö kayta munaykäyanki?