Popular Bible Verses from Gálatas 3

Share

Peru tsay leykunata cumpliyta mana puëdirmi maldicionädu karqantsik. Tsaymi noqantsikpa rantintsik maldicionädu runanö wañur Jesucristo salvamashkantsik. Dios Yayapa palabranmi nin: <<Pipa cuerpunpis qeruchö warkaraptinmi tsay runa maldicionashqa kanqa>>.

Tsaymi Israel runa o mana Israel runa karpis, servikuq o mana servikuq karpis, ollqu o warmi karpis Jesucristuchö karqa Dios Yayapa wamranna kantsik.

Tsaynöllam Jesucristuman creyikur Abrahampita miraqna kantsik. Tsaynöpam Abrahamta Dios Yaya prometinqanta noqantsikpis chaskintsik.

Jesucristupis tsaynö wañurqan Abrahamta Dios Yaya prometinqan bendicionta mana Israel kaqkunapis chaskiyänanpaqmi. Tsaymi Jesucristuman confiakur Dios Yaya prometinqan Espíritu Santuta chaskintsik.

Moisés qellqanqan leykunawanqa manam ni mayqanpis salvakäyanqatsu. Tsaypaqmi Dios Yayapa palabranchö nin: <<Munanqänö kawaq runaqa noqaman confiakamurmi kawanqa>>.