Popular Bible Verses from Daniel 12

Share

Yachayyuq runakunam imayka chipakyaq ciëlunö atsikyäyanqa. Alli kawakuyänanpaq yachatsiqkunam imayka qoyllurkunanöraq imayyaqpis chipakyäyanqa.

<<Tsaypunmi pamparäyanqanpita maytsikaq runakuna kawayämunqa. Wakinmi kawayämunqa imayyaqpis kawayänanpaq y wakinnam kawayämunqa imayyaqpis ñakayänanpaq. Ñakayänanpaq kawamuqkunam jutsa rurayanqanpita alläpa penqakuychö kayanqa.

<<Tsay witsaymi Israel runakunata cuidaq y angelkunapa mandakuqnin Miguel Israel runakunapa favornin shärinqa. Runakuna alläpa ñakaychö karmi llakikuyanqa. Kay patsachö nacionkuna kanqanpita manam ni imaypis alläpa ñakaykuna y llakikuykunapis kashqatsu. Libruchö shutinkuna apuntashqa kaqkunallam Israel majikikuna salvakäyanqa.

Atskaq runakunam tantiyayanqa imaykata ñakarpis Dios Yayaman confiakur jutsannaq kawakuyänanpaq. Jutsa ruraqkunaqa jina jutsata rurar kawayätsun. Paykuna mana tantiyaptinpis Dios Yaya munanqannö kawakuq runakunam sïqa tantiyayanqa.