Popular Bible Verses from KULAVA 16

Share

Oloze kaci nge Yehova mwatanga cuma cacihya, kaci nge mavu nawasokolola kanwa kawo nakuvamina navavo vosena hamwe, kaci nge navaya vavatonyi mumavu muXeyole, kaha namutacikiza ngwenu, malungava vanasaula Yehova. Kaha casolokele, ikiye hakukumisa kuhanjika mazu osenawa, mavu apwile muxi yavo ahandunu­kile. Mavu asokolwele kanwa kawo nakuvamina, navaze vakujizuvo javo navatu vosena vapwile vaKola, na­vikumba vyavo vyosena.

Jino Kola, mwanaIzahale, mwanaKohate mwanaLevi, naNdatane naAvilame vana vaElyave, naOne, mwanaPelete, ava vana vuLuvene, vayile navatu vakwavo, Vakatukile kumeso aMose, navana vaIsalele vamwe nawa, vaka-kulitu­laho jalizavu makulukaji avali na­makumi atanu, vakivo vaze vasa­nyikile kwiza kuliwuka lyavakulwane, malunga vapuho.