Popular Bible Verses from KULAVA 14

Share

Oloze kanda mulikanga kuli Ye­hovako, cipwe kwivwa woma wavatu vaka-lifuci eli. Mwomwo vanapu kulya cetu. Mukingo wavo unavafumu helu, kaha Yehova ali nayetu. Kanda muvevwa womako.

Yehova eji kuxipwokelanga ku­tenuka, ali nalikoji lyalivulu, eji kukonekelanga kuhenga nomwo va­nazomboka jiximbi, kaha kexi ku­sambisou atela kumupayisako, eji kuzangamisanga vana hakuhenga ca­masevo nakucisemunwino camuci­tatu nacize camuciwana.

Kaci nge Yehova nevu cipepa kuli etu, kaha mwakatuhetesa mulifuci kana nakutuhanalyo, likiko lifuci lyakumbwambumuka mavele na­wuci.

Xina ngamba yami Kaleve kaha, mwomwo apwile naxipilitu yeka, nomwo nangukave namucima wo­sena, xikaho nangukamuhetesa mu­lifuci lize ayile, kaha navaka-tanga yenyi navakaliheta.

Vambulile ngwove, Yehova na­mbe ngwenyi, Nakuyoya cami tu, Camwenemwene omwo munahanjika mumatwitwi ami, mukiko munangumilingila.

Yehova ambile kuli Mose ngwenyi, Vatu ava navangusaulanga pa­langa nakumwaka uka? Palanga nakumwaka uka navakananga kungufwelela havinjikizo vyosenovyo ngunalingi lyehi muli vakivo?

Vana vaIsalele vosena vatatwokesele vaMose naAlone. Vaka-lizavu vosena vavambile ngwavo, Kaci twafwilile mulifuci lyaEjipitu! Mo­komoko, kaci twafwilile mupambo muno!

Kaha Yoxuwa mwanaNune naKaleve mwanaYefune, vaze vapwile vakusokesa vaze vasondwesele lifuci, vapulile mahinavo, vahanjikile kulizavu lyavana va­Isalele lyosena ngwavo, Lifuci olyo twahitanga nakusondwesa, likiko li­fuci lyamwaza cikumakuma.

Oloze Camwenemwene, nakuyoya cami tu, nomwo nakukasula kumavu kwosena naupahu waYehova, mwomwo vatu ava vamona lyehi upahu wami navinjikizo vyami ngwalingile kuEjipitu namupambo, oloze vanangweseka lyehi kusokesa muli­kumi, vanakane kwivwilila mulizu lyami, xikaho kavexi kukamona lifuci lize ngwalixingilile kuli vakaka javoko, kaha vaze vanangusaula vo­sena kavexi kukalimonako.