Popular Bible Verses from Loma 6

Share

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Kuma o ituxi ki i fuama ku mi tolola dingi, mbata enu ka mi bhake dingi bhoxi dia Kitumu, maji a mi bhake kiá bhoxi dia kiadi kia Nzambi.

Kioso kia tu batizalele, a tu fundile-nê kumoxi mu ʼalunga. Kala-phe kia fukunuka Kristu mu ʼalunga mu kutena kua fuma ia Tata, etu uetu tuende kiá uendelu ua muenhu uobhe.

Ni idiandu ienu kana ku i bhakula ku ituxi kala falamenda ia kubhanga kima kioso-kioso kiaiibha. Maji-phe di bhakudienu kua Nzambi, kala mu athu mua fuile kiá, maji mua tambula dingi muenhu, ni idiandu ienu bhakuilenu-iu Nzambi i kale falamenda ia kubhanga ima ia kuiuka.

Kuma tua kʼ ijiia kuamba o muthu Uòkulu a mu batelele kiá ku dikulusu kumoxi ni Kristu, phala o mukutu uetu ua ituxi u jime, mbé ki tu kale dingi mú bhikila o ituxi.

Kiene kimoxi, enu uenu mu di xinganeka jinga kuma ku ituxi muafu kiá, maji-phe muala ku muenhu phala Nzambi mua Kristu Jezú, Ngana ietu.

O ki tualʼ iki tuila kiebhi? Manhi tu jiza ni kulaiela mu ituxi, phala o kiadi kia Nzambi ni ki subhuke dingi kiengi? Ki ki xikina! Etu, o ituxi tua i fuila kiá o kufua kuê; muene dingi mu bhuila o muenhu uetu?

Mukonda mua kʼijiia kuma kuoso ku mua di bhakula mu kubhika, muala mu abhika a muthu muenʼió uoso mua mu belesela. Kiene enu ue, kikale ituxi mua i bhikila ni mu fu, mba kikale o kutumaka Nzambi, ni a mi xikine ni mu kale mu athu mua iuka.

Maji tu sakidilienu-phe Nzambi, mukonda sumbala mua kexile mu abhika a ituxi, o kiki mua tumaka ni muẋima uoso o phangu ia ulongelu iú u mua tambula kunu ku mua sambuka. O kiki mua jituka ku ituxi, enu mua biluka mu abhika a kuiuka kua Nzambi.