Popular Bible Verses from Loma 5

Share

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

O kudielela kuku-phe ki ku tu kuatesa jisonhi, mukonda o henda ia Nzambi ia tu nokena mu miẋima mu nguzu ia Nzumbi Ikôla a tu bhana-nê.

Kieniki ngó ki kiene, maji tua sanguluka ue mu jihadi jetu; mukonda tua kʼ ijiia kuila o hadi i bhekela kulolokota; o kukolokota ku bhekela ku tu lungisa kua Nzambi; o ku tu lungisa ku bhekela kudielela.

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu. Mukonda dia kuxikana, Kristu ua tu bheka dingi mu kiadi kia Nzambi mumu mu tuemana mukonda dia kuxikana kuetu, etu tua sanguluka dingi ni kudielela o fuma ia Nzambi.

Kuma ki tua kexile hanji tua lémbua kubhanga kima kioso-kioso, Kristu kia bhixila bhu thembu iê ia solo Nzambi, ua fuila athu abhumu bhu kididi.

Kota-kota-phe kiá, ki tua lunguʼ iki, Nzambi kia tu xikina mukonda dia manhinga ma Kristu, tua kà bhulukila kua Muène, ku njinda ia Nzambi.

Mu kuxibhaka kua muthu umoxi, mundu a di bhangele akua ituxi, kiene kimoxi ue, mu kutumaka kua muthu umoxi, mundu a di bhanga akua kulunga, mbata ene oso a a xikina kua Nzambi.

O kiokio ngó ki kiene, maji ni kiki tua sanguluka mua Nzambi, mukonda dia Ngana ietu Jezú Kristu, ua tena o ku tu bhanga tu makamba ma Nzambi, kuma kua Muène kuene ku tua luulukila.