Popular Bible Verses from Dimatekenu 50

Share

Enu muambele muene ku ngi bhanga phulu; Nzambi-phe ua ki lungulula ki kia di bhange mbote; Muene ua ki bhitisa kiengi kala ki mua ki mono kizuua kia lelu, phala ku bhulula mienhu ia ndumba.

Zuze anga u a ambela, uixi: Ki mu kale ni uoma. Kífua ki ngalʼiki eme ngala bhu kididi kia Nzambi?

Kala kiki-phe, ki mu kale ni uoma; eme ngi mi tambula konda ni enu ni aneʼenu. Kienhiki Zuze kia tululuisa o jiphange jê, iú ua a bhuisa o hele ku muxima.

Mua kàmbela Zuze, kuma nga mu diondo, a loloke jiphange jê, o kikuma ni kituxi kiâ kia ku tele, kuma a ku bhangele muene phulu. Kiki-phe tua ku diondo, loloka kituxi kia jiselevende ja Nzambi ia phaienu. Zuze anga u kuata kudila kioso kiala ku mu zuelesa kiki.

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

Zuze anga u lokesa anʼa Izalaiele, uixi: Hinu Nzambi kia mi zungila, ni ifuba iami mu i ambata, ki i xale mʼoxi mumu.

Zuze anga u fua, kiala mu hama ia muvu ni kuinhi; anga a mu teka mu bálasamu, a mu ta mu kaxá mu Ijito.