Popular Bible Verses from Dimatekenu 49

Share

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

Zuze, músala ua kuima kiavulu, músala ua kuima, uala bhʼotho ia menha jithangu jê ji zanda, jiia ni ku di zala ku thandu dia kikonzo. Akua mifula a mu tatesa kiaiibha, a mu zukutisa, a mu asa misongo

maji o uta uê ua mufula hanji muene ua suína, mixibha iê ia maku ia tambula nguzu, kua ió Kutende diangene dia Jakobo, kuene kua tundu o mubidi, ni tadi dia Izalaiele. Xi, o Nzambi ia tatʼenu, muene u ku kuatekesa, Muteni-a-Ioso a ku bhane dibesá; a ku bhane mabesá ma diulu ku thandu, a ku bhane mabesá ma menha koxi a mavu, a ku bhane mabesá ma tatʼenu.

Eie Juda, a kà ku ximana kuala o jiphange jé; lukuaku lué lu kuata bhu xingu ia jinguma jé; anʼa tatʼenu a kʼèza mu diunda bhu pholo ié. Eie Juda u munzangala ua hoji; monʼami, kumbi kuẋi dia kʼèza ni mbole iê? U zomba hé u butama kala ndumbe ia hoji mu kisasa, kala mama a hoji; nanhi muene u teza ku mu balumuna?

Lubene, eiʼeie u monʼamiʼa phande-kumbi, u nguzu iami, u diamatekenu diami dia kubhanga muiji; ukota ua ku tokala ua kukala ku pholo, ukota ua kutumina. Mu ku di takujula-phe kala menha, ukota ua u lémbua; mukonda ua bande bhu hama ia tatʼenu; ua i te lufuku, muanza uami ua u zange.