Popular Bible Verses from Dimatekenu 32

Share

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

O muenhú anga u amba, uixi: Ngehe kiá ngiie, kuma ku kúkia kiá. Muene-phe, uixi: Ki nga-nda ku ku ehela kuia, se u kamba ku ngi bhana o dibesá.

Jakobo anga u xala ku sámbua koko ubheka uê; anga bhu kala diiala u di ẋina-nê katé kuáki.

Jakobo anga u ixana kididi kienhókio, uixi: Peniiele: kuma uambe uixi: Nga mono Nzambi pholo ni pholo, maji muenhu uami iú-ué.

O kia mono kuma ka mu tolola, u mu bhabha ku disokuelu dia kinama mu mbunda, disokuelu dia kinama kia Jakobo anga di ẋingumuka kioso kiala ku di ẋina-nê.

Muene uixi: O dijina dié eie nanhi? Uixi: Eme Jakobo.

Jakobo anga u mu ibhula, uixi: Ngi tangele ue dijina dié, nga ku diondo. Muene uixi-phe: Phalahi u ngʼibhula o dijina diami? Anga u mu bhana o dibesá bhenhobho.

ngi muthu ki nga fuama, né kòfele, ku ngi bhanga jihenda josoʼiji, ni kidi kioso ki ua ngi bhanga, ngi mubhikʼé; kuma ki nga zaukile Njolodá mueniú, ngʼambatele ngó mbangala; kiki phe nga di bhange ngi ilombo iiadi.

Mukonda dia kiki anʼa Izalaiele kene kúdia muxibha ua kinama ua disokuelu dia mbunda, katé mu kizuua kia lelu; mukonda Jakobo a mu bhabhele ku disokuelu dia mbunda, ku muxibha ua kinama mu ditabela.

Jakobo anga u amba, uixi: Eie u Nzambi ia tatʼetu Mbalahamu, u Nzambi ia Tatʼetu Izake, u Jihova ua ngʼambela uixi: Vutuka kʼoxi ienu, ni ku undandu uenu, eme ngi kala mu ku ku bhanga mbote

Ngi kudile, nga ku diondo, bhu lukuaku lua kota diami, o lukuaku lua Izaú; kuma nga mu kala ni uoma mba uiza u ngi kuama, ni mama ni ana kumoxi.