Popular Bible Verses from I Timote 4

Share

Kana kuehela kuila bhu kala muthu u ku tènda mukonda dia undenge. Oso-phe a xikana, eie-muène a bhane phangu, ni mu kuzuela, ni mu kudituma, ni mu henda, ni mu kuxikana ni mu kuzela.

Mukonda o kudilonga nguzu ia mukutu, kubhanduluka kuê sai maji ki kua kidi; o kuxila Nzambi-phe, kubhanduluka kuê sai mu ima ioso; mukonda ku dielelesa ni ku muenhu iú ua kindala, ni ku muenhu ua kèza-ku.

Di lange eie-muène, ni ulongelu ué. Kuata muanu mu ima ienhiʼii; kuma mu kubhanga kiki, ua-nda kuila ni eiemuène u bhuluka, ni ene ue a bhuluka oso a kuivua.

O Nzumbi ia Nzambi ua ki ambe ni kujimbuluka kuoso kuma, mu jithembu ja sukidila, sai athu a kà jimbila o kuxikana. A kà kaiela jinzumbi ji sendula, ni maulongelu ma madimonho.

Misoso ia ulalu-phe, ia akua mundu, ditune jinge-iu kuma ni ku i tanga ngó ki ia fuama. Inda-xi sota jinga kudilonga o ima ia nzumbi, u mone ki uia ku pholo mu kuxila Nzambi.

Kiosuʼiki, katé ki ngi ku sanga, ta muẋima ué mu kutanga o Mikanda ia Ngana bhu pholo ia mundu, ni mu kulombolola o Njimbu Iambote, ni mu kulonga oso a xikana.