Popular Bible Verses from I Timote 3

Share

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Bispo-phe u bhinga ka kala ni kima kia ku mu elêsa na-kiu. U kala mukua muhatu uê umoxi, u kala mukua kilunji, mukua sonhi, mukua ujitu. U kala mukua kulangeka asonhi, muthu uala hete ia kulonga.

Maji u kala muthu ua tena kutumina kiambote o dibhata diêmuène, ni kubhangesa kuila anʼê a kala mu ku mu tumaka ni ujitu uoso.

Madiiakono a mu sedivila mu Ngeleja, a kale kala muthu mukua muhatuʼê umoxi, a kale athu a tena kutumina kiambote anʼâ ni mabhata mâ. Mukonda oso a sedivila kiambote ku udiiakono, a nganhala ditala diambote, kuma a soko-bho kùbhua uôma mu kubhana umbangi ua kuxikana kuâ kuene na-ku mua Kristu Jezú.