Popular Bible Verses from MoaOroma 6

Share

Okyku ba egbre odlobi e wo eku angyiŋ, ambo ototno ba Ahogbrẽ o wo eso ba gbagbu-amo ibu ba Ekristi Eyesu Adigi-odne.

Okyku eshi odlobi ó hwiŋ ekʼpo eshri bimi nga mbo, okyku eshi agimi e wo ódaŋ nga mbo, ambo agimi e wo okpoghwo ba Ahogbrẽ a mo.

Ozhẽ ba abaptisma moa a kpo gi o dzu eka moa a ngybi gi ka la ŋa, nga ba agi e kpu ka la ŋa. O wo eka ba moa a kso Ekristi ongybi la anyuŋ ekʼpo ba Adigi, okyku o da gi a mbo e sa e hwiŋ eso elehe ozhẽ he lo.

Nga agimi e bmi e shri okrokyeŋ egʼba bimi e da odlobi mbo, nga e shri lo e kpo ekplokyeŋ ba eshre ta la lo mbo. Ambo agimi e shri eshri bimi e da Ahogbrẽ, eka moarehwi la a zgi eku a hwiŋ eso, nga agimi e shri eshri bimi e da Ahogbrẽ la eso ekyekyeŋ, okyku o daŋ a kpo otum odlodzi ta la lo.

Agi nga e yi ba moa a gŋe egʼba bi elegbyi egŋe aki ta la Ekristi okyku o da mo a nyiŋ aga ba odlobi la a wo eso bi. Okyku o da gi e dzu moawaghrẽ ba odlobi nga mbo.

O raŋ o gre bimi e tne aga eka bimi e kpu okyku odlobi, ambo e sa e dzu ma okyku Ahogbrẽ okŋeobga ta la Ekristi Eyesu.

Agi nga e lu la eshi? Agi e dzu e la e kpo odlobi okyku o da odlodzi ba Ahogbrẽ o ta ma-ma nzenze? O wo eka he angyiŋ mbo! Agi e sheŋ e kpu ta la odlobi bgu. O wo odzi bi e sa e dzu ta la alo nga nga?

Agimi e yi mbo? O wo bimi e shri eso la eso ekyekyeŋ e shri e di okyku o da gimi e kpo arekyeŋ otum eka moawaghrẽ le, adlidzi angyiŋ agimi e wo moawaghrẽ are he lo. O wo ba gimi e dzu moawaghrẽ ba odlobi le, ohi lo o shri eku angyiŋ o shri o ba. O wo bimi e wo moawaghrẽ la a tsi odlo, ohi lo o shri onyuŋokpo o zga agʼbaha bimi ta la Ahogbrẽ.

Agi e vye la Ahogbrẽ! Okyku eshi ayga, agimi e wo moawaghrẽ ba odlobi angyiŋ, ambo ohuhuhi agimi e yga adlidzi eka moa a nye lo, la eso bimi ekyekyeŋ. Moa a kyu gimi abgo odlobi bimi nga, agimi e zhiŋ e dzu moawaghrẽ ba odlodzi.