Popular Bible Verses from MoaOroma 5

Share

Ambo Ahogbrẽ a sheŋ a tsa gi baŋ a la a klo gi a gre eshri. Omba ba agi e yi e wo moaedlobi ayga, Ekristi a ba a kpu okyku gi!

Okayiozhẽ he lo o wo o ba ototno angyiŋ mbo, okyku eshi Ahogbrẽ a da Ogbgaodzi baŋ a shri a da gi ototno, o shri oklo baŋ o ghwo eso bi.

O raŋ o gre ba agi e kpo ovye angyiŋ omba ba agi e kpo ewu, okyku eshi ewu angyiŋ e la e shri oghwo-esõ e shri e ba. Oghwo-esõ ba agi e la e ghwo omba bi e la e kpo ewu, o da Ahogbrẽ a gno oraŋ ka la gi. Okyku eka he, agi e la e ka ayi ozhẽ.

Ohuhuhi, okyku obmi ba adlidzi bi, moa a shri opyapyaŋ a zga agʼbaha bi ta la Ahogbrẽ, agi e wo la esõ-egbubiŋ ta la Ahogbrẽ okyku Eyesu Ekristi angyiŋ. Aŋa a yga gi okyku obmi ba adlidzi bi, nga a da gi e hwiŋ okpoghwo ba Ahogbrẽ. Agi e wo la okpoghwo lo a mbo ohuhuhi. Agi e la e kpo ovye angyiŋ okyku bi e la e ka ayi ozhẽ okyku esesla ba Ahogbrẽ ba agi é ba e hwiŋ!

Omba ba agi e wo oshye ma a wo mbo, Ekristi a kpu okyku moaedlobi. Omba he lo angyiŋ, Ahogbrẽ a sla.

Okyku eku ba Eyesu Ekristi angyiŋ agi e hwiŋ opyapyaŋ agʼbaha bi ta la Ahogbrẽ. Agi é gro ombgu ba Ahogbrẽ okyku Eyesu sha angyiŋ.

Eka ba moarehwi mvye a zhiŋ a dzu moaedlobi okyku odlobi ba arekyakyeŋ, ekakahelo, moare nzenze moa a shri opyapyaŋ a zga agʼbaha mo ta la Ahogbrẽ okyku odlodzi ba arekyakyeŋ.

Ambo ohe lo o khwo angyiŋ mbo. Agi e la e kpo ovye eshko Ahogbrẽ okyku Adigi Eyesu Ekristi. Aŋa angyiŋ a kpo ozhẽ a da gi e dzu moakyeŋazba ba Ahogbrẽ.