Popular Bible Verses from NONGBISHAR 6

Share

Te u angel U TRAI u la paw ha u, bad u la ong ha u, “U TRAI u don ryngkat bad me, me u briew uba shynrang.”

U TRAI te U la peit ha u, bad U la ong, “Khie leit ha kane ka bor jong me, bad pyllait ïa ki Israel na ka kti ki Midian: ngam shym la phah ma nga ïa me?”

U TRAI te U la ong ha u, “Shisha ngan long lem bad me, bad men jop ïa ki Midian kum ïa uwei u briew.”

U Gideon te u la ong ha u, “A kynrad jong nga, lada U TRAI u don ryngkat bad ngi, balei te ba kane baroh ka la ngat ha ngi? bad shano ki kam phylla jong U baroh kiba ki kpa jong ngi ki la ïathuh ha ngi, ki da ong, ‘U TRAI um shym la wallam noh ïa ngi na ka ri Ijipt?’ hynrei mynta, U TRAI u la lyndet noh ïa ngi, bad U la ai noh ïa ngi ha ka kti ki Midian.”

U te u la ong ha U, “A Trai, kumno ngan pyllait ïa ki Israel? ha khmih, ka kur jong nga ka baduk tam ha Manasseh, bad nga ruh u barit tam ha ka ïing u kpa jong nga.”

Ynda kumta, u angel U TRAI u la wan, bad u la shong hapoh uta u dieng Sning uba ha Ophrah, uba dei ïa u Joash u nong Abieser; te u khun jong u, u Gideon u dang shoh Kew ha ka jaka khem umsoh, ban buhrieh ïa u na ki Midian.

Ynda kumta, u Gideon u la tei ka duwan ha U TRAI hangta, bad u la khot ïa ka “Jehobah-shalom:” (Haduh kane ka sngi ka dang don ha Ophrah jong ki Abieser.)

U la ong te ha U, “Lada kumta nga la shem sngewbha ha khmat jong me, to men pyni ka dak ha nga ba long ma me uba kren bad nga.

U TRAI te U la ong ha u, “To long suk ma me; wat sheptieng: men ym ïap.”

Te ki khun Israel ki la leh ïa ka basniew ha khmat U TRAI: bad U TRAI u la ai noh ïa ki ha ka kti ki Midian hynñiew snem.