Popular Bible Verses from JENESIS 50

Share

Phi shisha, phi la lah thmu ïa ka basniew pyrshah ïa nga; hynrei U Blei u la thmu ïa ka, ïa ka ban pynbha, ïa ka ban pynlong ka lad, kumba ka long ha kane ka sngi, ïa ka ban pynim ïa ki paidbah babun.

Bad u Joseph u la ïathuh ha ki, “Wat sheptieng; naba hato nga long ma nga ha ka jaka jong U Blei?

Namar kata, mynta, wat sheptieng: ngan ri bsa ïa phi, bad ïa ki barit jong phi.” Bad u la pyntngen ïa ki, bad u la kren pynsngewbha ïa ka dohnud jong ki.

‘Kumne phin ong ha u Joseph, “To map noh, nga kyrpad ïa me mynta, ïa ka jingpalat ki hynmen jong me, bad ïa ka pop jong ki; naba ki la ïaleh bymman ïa me; te mynta, to map noh, nga kyrpad ïa me, ïa ka jingpalat ki shakri jong U Blei u kpa jong me.” ’ ” Bad u Joseph u la ïam haba ki la ïakren ha u.

Te u Joseph u la ong ha ki hynmen hynbew jong u, “Nga te ngan sa ïap noh: hynrei, U Blei shisha un wan khmih ïa phi, bad un ïalam noh ïa phi na kane ka ri sha kata ka ri ïa kaba u la smai ha u Abraham, ha u Isaak, bad ha u Jakob.”

Bad u Joseph u la pynsmai ïa ki khun shynrang u Israel, u da ong, “U Blei shisha un wan khmih ïa phi, bad phin lam noh artad ïa ki shyieng jong nga na kane ka ri.”

Kumta, u Joseph u la ïap, uba shispah shiphew snem ka rta: bad ki la kyllan masla ïa u, bad la buh ïa u ha ka synduk tep briew ha ka ri Ijipt.