Popular Bible Verses from EKSODOS 15

Share

bad u la ong, “Lada men sngap biang biang ruh ïa ka ktien jong U TRAI U Blei jong me, bad lada men leh ruh ïa kata kaba dei ha khmat jong u, bad men shahshkor ruh ïa ki hukum jong u, da kaba rakhe ïa ki niam ki rukom jong u baroh, ngan ym da buh ha me kawei ruh keiñ na kita ki jingpang ïa kiba nga la wallam halor ki Ijipt: naba ma nga, nga long U TRAI uba pynim ïa me.”

U TRAI u long ka bor bad ka jingrwai jong nga, bad u la wan long ka jingpynim ïa nga: U long ma U, U Blei jong nga, bad ngan pyndonburom ïa U; U Blei u kpa jong nga, bad ngan ïaroh burom ïa U.

“Uei uba kat ma me, A TRAI, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

“Da la ka jingisynei me la ïalam noh ïa uta u paidbah ïa uba me la siewspah: me la btin ïa ki ha ka bor jong me sha ka jaka shongneh ka jingkhuid jong me.

Te mynba ki la ïapoi sha Marah, kim lah ban dih ïa ki um jong ka Marah, naba ki la kthang: namar kata, la khot kyrteng “Ka Marah” ïa ka. Uta u paidbah te u la khñium ïa u Moses, ki da ïa-ong, “Ngin sa dih aïu?” Te u la duwai ha U TRAI; te U TRAI u la pyni ïa u dieng ïa u, ïa uba haba u la bred ha kita ki um, kita ki um keiñ ki la bang. Hangta u la buh ïa ka hukum bad ka rukom ïa ki, bad hangta u la tynjuh ïa ki