Popular Bible Verses from DEUTERONOMI 4

Share

Hynrei, lada nangta, men da wad ïa U TRAI uba U Blei jong me, men sa shem ïa u, lada men da wad ïa u da la ka dohnud baroh, bad da la ka mynsiem baroh.

naba U TRAI uba U Blei jong me, u long U Blei uba isynei keiñ; un ym iehnoh ïa me, lymne pynjot ïa me, lymne klet ïa ka jutang jong ki kpa jong me ïa kaba u la smai ha ki.

Naba U TRAI uba U Blei jong me, u long ka ding kaba bam duh, U Blei u bathut shen.

“Tang ba men sumar ïa lade, bad sharai minot bha ïa la ka mynsiem, ïoh ba men klet ïa kine kiei kiei kiba ki khmat jong me ki la ïohi, bad ïoh ba kin kynriah noh ruh na ka dohnud jong me, baroh ki sngi ka rta jong me; hynrei, to hikai ïa ki ha la ki khun shynrang, bad ha ki khun shynrang ki khun shynrang jong me keiñ

Namar kata, to tip ha kane ka sngi, bad to da pyrkhat ruh ha la ka dohnud, ba U TRAI, ma u hi u long U Blei ha ki bneng sha jrong bad ha ka pyrthei shapoh: uwei pat, um don shuh keiñ.

Naba kano ka jaid bynriew kaba khraw, kaba don U Blei hajan katta ïa ka, kumba U TRAI uba U Blei jong ngi u long ha kiei kiei baroh katba ngi kyrpad ïa u?

Haba me long ha ka jingjynjar, bad haba kine kiei kiei baroh ki la jia ha me, ha kita ki sngi ki bakhatduh men phai khmat sha U TRAI uba U Blei jong me, bad men kohnguh ruh ïa ka ktien jong u

Phin ym pyntam ei ei ruh ha kata ka ktien ïa kaba nga hukum ïa phi, lymne pynduna na ka, ba phin ïoh sumar ïa ki hukum U TRAI uba U Blei jong phi, ïa kiba nga hukum ha phi.