Popular Bible Verses from Ngiroma 6

Share

Kainyo akitu ngesi kitachakinio kotere akisech, nakaneni akiyar nanyedaun ngesi erai ainakinet a Akuj na a pas ani a Yesu Kiristo, Ekapolon yok.

Nyejoikinit akisech kiriki esi, kainyo nyeringa esi iwapito ngakiro a etal, iwapito esi ngakiro a ajokis a Akuj.

Na kibatisaare ngoni, ekokisi ngitunga lu kitoaki ka ngesi kitomur aapei. Sodi kona kolong eteyarunere Kiristo a ekipur a Apa, ataanyuneta ngoni dang akiyar nakitetet.

Warasi nyiijal tani ekinier epei a ngawat kus toliwor ibore ni esubere naaronok ka akisech. Ejoikinit esi ijalasi ani a Akuj loger a ngitunga alu eteyarun toyara, sodi tajalakis ngesi eboyor kus daang toliwor esubere nguna eteniyete ani a Akuj.

Kiyeni atamar kikok ngoni lu atoana eboyor yok longorot aramakin ka Kiristo napir, sodi kinyasunere epit a akisech, nyikiliworor nabo ngoni ngirikon a akisech.

Aloger alopei kangolo, ejoikinit tokona esi dang iyenunete atamar ikokis esi lu atoaka eboyor kus nyisechete. Ikokis esi lu iyarete ka Akuj aapei ani imorikinotor ka Yesu Kiristo.

Kitamari tokona ngoni ai? Ejoikinit ngoni kirubakini kirai ngikasechak sodi kiatakinor ajokis a Akuj a? Meere kongina jik! Kikoni ngoni ngitunga lu kitoaka alosech, kirubakinit kirai ngikasechak ai?

Iyenete esi dir atamar na ijalatar esi toliworos ngirikon lu iwapito ngakiro a itwaan aniche, iraakasi esi dir ngirikon a ekapolon alo iwapito esi ngakiro keng, kiraakasi ngirikon a akisech ana eyauni akitu, kori ngirikon a akiwapit na kilimokinitae, na erai ngesi eyauni ateneanut.

Nakaneni, kibuakini Akuj alakara! Kainyo tani kolong sek kiraakasi esi ngirikon a ngasechesea, iwapa esi a ngitai kus kadaang ngakiro na iteni nakolong kitatamio. Kilachakinio esi dir tojongoto asecheenen sodi toliworos ngirikon a eboyor alo etenoono ani a Akuj. (