Popular Bible Verses from Ngiroma 5

Share

Nakaneni kitoodik Akuj ngoni dir eger lo kiminar ngesi ngoni, ani kolong atoanea Kiristo kiringa kirai ngikasechak!

Nyikitaanyuni ngoni akigieno ngina ngileech kainyo abukokin ngitai yok amina lokojokon a Etau a Akuj, alo erai ainakinet nakiinak ngoni Akuj.

Meere tani kotere nguna make, kilakara ngoni alochan yok kiyeni atamar kititinyer ngoni erai kinaik ngichan, kichamuni ngoni Akuj kotere anaikinit, sodi ani kichamuni ngoni Akuj, egienokinos ngoni ngesi.

Kona aliworor eboyor yok lo etenoono ani Akuj ani kinupitor ngoni, kisil ngoni ka Akuj ani Ekapolon yok Yesu Kiristo. Kotere ni kinupitor ngoni ngakiro a Yesu, kiwaak ngesi ngoni najokis a Akuj, na erai ngesi kiyarea ngoni. Aloger kangolo, kiwoga ngoni kotere akigieno na kimorea ngoni ekipur a Akuj!

Ani kolong eringa ngoni kipalag, totoan Kiristo kotere ngoni lupekinupit Akuj a esaa alo aseunit Akuj.

Kotere akitu keng, kimaru Akuj ngoni atamar etenoono eboyor anikeng. Kiyuun tokona ngoni ananyunyura a Akuj noi!

Ani kona aliworotor ngitunga daang ngikasechak kotere ni angerio itwaan ipei akiwap ngakiro na alimokinitae aloger alopei kangolo, imaruni Akuj kesi atamar etenoono eboyor kotere ni ewapea itwaan ipei na alimokinitae.

Meere nguna make, kilakar ngoni ana asubi Akuj ani a Ekapolon yok Kiristo alo tokona kitiliwo ngoni ngipaalon a Akuj.