Popular Bible Verses from Apudunet 8

Share

Tomuroto ngimurok esakete ngikatuur pot, nakaneni tokuruwo. Ayakasi ngikatuur wadaang. Tolimokis ngimurok ekapolon tamasi, “Akuj asub nugu!” Nakaneni kichananer ekapolon noi towou ngesi akiirar ngakiro, loger losek alimokinitor Ekapolon Akuj Musa ka Aron.

Abu Ekapolon Akuj tolimok Musa tama, “Kape nia ekapolon a Misiri tolimok kona, ‘Kimiek ngitunga kang toloto akipeyore ayong.

Ani ingolikini ekapolon a Misiri atamar atoaka ngakidodoka, kichananer ngesi nabo noi. Towou ngesi akiirar ngakiro, loger losek alimokinitor Akuj Musa ka Aron.

Ani kiwou iyong, erirae ayong akwap kon atoburuchia a ngakidodoka.

Tolimok Ekapolon Akuj Musa tama, “Tolimok Aron taram ngalup a aburo keng, nakaneni ibelo apua daang anakwap a Misiri toliwor ngikatuur.”

Tomea Ekapolon Akuj asepich a ngichuch kai a ekapolon ta ngakais a ngikasubak etich keng. Kinyasut ngichuch akwap a Misiri daang.