Popular Bible Verses from Apudunet 7

Share

Tolimok Ekapolon Akuj Musa tama, “Kesikokini ayong iyong Akuj ani a ekapolon a Misiri. Nakaneni isuruori lokaatokon Aron ngesi loger a ekadwaran kon.

Nakaneni etiliwori ayong ekapolon lo ichanana noi. Ewouni ngesi akiirar ngakiro kus tani kisuba esi ngakitoodikinet naketubulok alo Misiri. Nakaneni ayauni ayong eriras loaronon lotunga a akwap a Misiri, sodi epud ngitela a ngitunga kang anakwap kangina.

Eyenunete nabo Ngimisiri atamar arai ayong Ekapolon Akuj, na asubakinea ayong Ngimisiri ngakiro naaronok epud Ngisirael anakwap kech.”

Tanyarau ekapolon ngitunga lukoosok ka ngikasubak, apot ngimurok a Misiri dang tomuroto tosuba ngakiro napei nguna. Tachakakis kesi ngaburoi kech kwap sodi kilochos ngaburoi toliworos ngimunio. Nakaneni kiliko aburo na Aron nakech.

Tokona bocha ekapolon, ebala Ekapolon Akuj iyenuni iyong atamar arai ngesi ngae kotere ngakiro na esubakini ngesi. Kingolik a, arami ayong ngakipi a aburo kana, nakaneni ilochosi ngakipi toliworos ngaakot.

“Ani kesaki ekapolon tosuba esi ngakitoodikinet nakailiilok kidodiunotor anikeng, tolimok Aron tolem aburo keng tachakak kwap ngaren ekapolon, nakaneni ilocho aburo toliwor emun.” Sodi toloto Musa ka Aron nia ekapolon tosuba loger lo adungokinitor Ekapolon Akuj. Tachakak Aron aburo keng kwap ngaren ekapolon a Misiri ka ngikasubak etich keng, sodi kilochokin aburo toliwor emun.