Popular Bible Verses from OBUBALI 14

Share

Habula muleshe okhukhaya OMWAMI Nyasaye, khandi mularie abandu bamenya mushialo eshio tawe. Khulabahula bwangu. OMWAMI Nyasaye akhulwanilanga khandi ahulile abanyasaye balindanga abandu abo; kho mularie tawe.”

‘Isie OMWAMI Nyasaye shiesinyikhanga bwangu ta, khandi endi owobuheeli oburalilu, owobwisiikwa, embeelanga abandu obwonooni nende obukhayi bwabwe. Nebutswa shindalachweya okhuhaana eshinyasio khubaana benywe nabetsukhulu benywe okhuula khulwibulo lwakhataru nende lwakhane khulwa obwonooni bwabebusi babwe tawe.’

OMWAMI Nyasaye naba nachamisibwa ninefwe alakhuyilayo nakhuhelesia eshialo eshio eshili eshiyinda khandi eshia liloba linulu.

Nebutswa shichila mbu omukhalabani wanje Kalebu yahukhane ninabo mumapaaro khandi yambulilanga nomwoyokwe kwosi, ndalamuusia mushialo shia yarunilisia nabo abolwibulolwe balabukula eshialo eshio.

Baboolele amakhuwa kano ori, ‘Nditsuba mbu olwa endiho mwoyo, ndalamukholela butswa aka muusabile. Isie OMWAMI Nyasaye emalile okhuboola.

Mana OMWAMI Nyasaye nareeba Musa ari, “Abandu bano balatsiililila okhundoba okhuula liina? Balatsiililila okhuloba okhuusuubilila okhuula liina? Kata olwa nindabakholela ebikhole ebiamakana ebinji hakari wabwe!

Abandu nibeyiniakanila Musa nende Haroni, nibaboola bari “Bwakhabele obulayi nikhwakhafwilile Misiri noho kata mushitsiimi!

Ne Yoshwa omusiani wa Nuni nende Kalebu omusiani wa Yefune abali babili khubarunilisi abatsia mushialo shia Kanani, nibarandula ebifwalo biabwe mushibeela, mana nibaboolela Abaisiraeli bari, “Eshialo shia khwarunilisia neshilayi muno.

nebutswa nditsuba mbu, shinga olwa eshiliho mwoyo, khandi obunyali bwanje bubushiliho khushialo, abulaho khubandu bano oulanyalilwa okhwinjila mushialo eshio. Balola okhumwesukha khwobulafu bwokhubaho khwanje nende ebikhole ebiamakana, ebia ndakhola mushialo shia Misiri nende mushitsiimi. Nebutswa bateemanga obwisimilisi bwanje akhandi akhanji nibakalushila khandi nibaloba okhumbulila. Shibakhenjilekhwo mushialo shia ndasuubisia abakuuka babwe tawe. Abulaho kata mulala khu abondobile abo, oulanyala okhwinjilamwo.