Popular Bible Verses from OKHURULA 15

Share

OMWAMI Nyasaye nababoolela ari, “Nimuba nimutsia okhuhulila nende okhulonda koosi akendolanga mbu nakobulunjishi nende okhulonda amalako kanje, shindakhamuhelesiekhwo eshinyasio shiobulwale shinga eshiandahelesia Abamisiri ta, shichila nisie OMWAMI Nyasaye oumuhoninjia.”

OMWAMI Nyasaye niye omulindi wanje wamaani, khandi niye oumboniye. Niye Nyasaye wanje, nasi ndalamwitsoominjia. Ye ni Nyasaye wa Papa wanje ne ndalemba nindiitsoomia obukhongobwe.

“Iwe OMWAMI Nyasaye, ouli shinga iwe mubanyasaye niwiina? Iwe OMWAMI Nyasaye, ouli nobutakatifu obukhongo shinga obubwo niwiina? Khandi ounyala okhukhola ebikhole ebikhongo khandi ebiamakana shinga iwe niwiina?

“Mubuheelibwo oburalilu, wemilila abandu ba wali nonunuule. Wabemilila namaaniko okhuula mushialoshio eshitakatifu.

Ne olwa boola Mara, shibanyalilwa okhunywa amaatsi ta, shichila amaatsi kaliyo kali amalulu. Niko akachila habundu yaho nihakulikhwa mbu, Mara. Mana abandu nibachaaka okhunyiniakanila Musa nibareeba bari, “Khulanywa shiina?” Mana Musa nasaaya khu OMWAMI Nyasaye, naye OMWAMI Nyasaye namumanyia eshitonye shiolusaala namuboolela mbu, afuube mumaatsi. Olwa Musa yafuuba olusaala olwo mumaatsi, amaatsi kamala nikakaasa akokhunywa. OMWAMI Nyasaye yabahelesia amalako kokhumenyela mushitsiimi omwo. Mana khandi nibali ebweneyo, OMWAMI Nyasaye yabateema.