Popular Bible Verses from Bar. 5

Share

Ne Wele akhwekesie efwe nga ne akhusiima lukali, lili nga ne khwaba ne khusiili babooni Kristo akhufwila!

Lilieyikina lino se likhukhalasia efwe tawe, sikila Wele achukhile busiime bwewe mu miooyo kiefwe mu ngila eya Roho Omutakatifu, oli siianwa sia Wele khwifwe.

Ne khwekhoya lukali mu binyaasio biefwe, sikila khumanyile khuli binyaasio bisasiaanga liliekhaliilikha, liliekhaliilikha lisasiaanga liba ne liba lisaasia lilieyikina.

Luno khwakholebwe khuba baluungi ne Wele khubirira mu lisuubila, khuli ne kumuleembe ne Wele khubirira mu Mwami wefwe Yesu Kristo. Khubirira mu niye khwanyolile engila eye khukhwolela kumwalaalo kuno nikwo khwimamo. Ne khwekhoya khulwe lilieyikina liefwe nilio khuli nalio lie khusaanga mu luyali lwa Wele!

Sikila nga khwaba ne khusiili batekhele, Kristo afwila bakhiikha mu siise nisio Wele arobora.

Khulwe kamafuki kewe, akhukholile khwabele baluungi ne Wele, Kristo alakhuonia lukali khukhwama khu lirima lia Wele!

Ne nga babaandu boosi ne bakholwa babooni khulwe khulekha khuria lilakiilisia lio mundu mulala, mu ngila ng'eneyo boosi bakholebwa baluungi khulwe buriaani bwo Mundu mulala Yesu Kristo.

Ne se kali kamenako kong'ene tawe, khwekhoya khu niko Wele akholile khubirira mu Mwami wefwe Yesu Kristo, okhukholile efwe luno khuba basaale ba Wele.