Popular Bible Verses from Bar. 4

Share

Lisuubila liewe se liamuwamo tawe, ne se aayaaya khu lisuubisia lia Wele tawe, lisuubila liewe liamwichusiamo bunyali, mala waana efuma khu Wele. Aba ne bung'ali elala ali Wele anyala khukhola niko asuubisia.

nga liiandiko liboolanga lili, “Nakhukholile raraawe owe Chikholo chingali.” Nono lisuubisia lili lilayi mumoni cha Wele niye Aburahamu asuubilamo, Wele olamusianga bafu, ne khukhila bibiindu bikhabechangao tawe, bibao khu Lilaka liewe.

Sikila bubwoni bwefwe, aanwa afwe, mala alamusibwe nio akhukhole efwe khube baluungi ne Wele.

Aburahamu asuubila mala eyikina, akhaba sifuno sie khukhwiyikina ne sikhabao tawe, nio khwako ekela, “Raraawe we Chikholo chingali.” Kali busa nga liiandiko liboolanga lili, “Lisaaye liowo liliba likali nga ching'enieesi.”

Khwako, lisuubisia liaba mu lisuubila, nio lisuubisia chana liole khuba silakilisibwa, nga siianwa sia Wele sia busa khu lisaaye lia Aburahamu, se kali busa khwaabo baria lilaka tawe, ne khali akhaba khwaabo boosi basuubila nga Aburahamu nakhola. Sikila Aburahamu ali paapa wefwe fweesi mu Roho

“Bali ne busangaafu abo nibo kamakhiikha kabwe kabeeleelwe, nibo bubwoni bwabwe bubeeleelwe! Ali ne busangaafu omundu niye Omwami alilekha khubala bubwoni bwewe!”

Liiandiko liboola lili, “Aburahamu asuubila Wele, ne khulwe lisuubila liewe Wele amufukiilila nga omuluungi.”