Popular Bible Verses from Bar. 12

Share

Mukhaloonda ke sibala sino tawe, ne lekha Wele amukaluukhasie enywe mukari khulwe khukaluukhasilia elala kamebaasio kenywe. Nio mulanyala khumanya lilienya lia Wele, sili silayi lundi sisiimisia khu niye, mala sisiichufu.

Nono, bawandaayase, sikila siisa sia Wele sikali khwifwe, mwekoonjelela enywe ndi, yiaana mwabeene khu Wele nga liiosio lie bulamu, liaanwa khu bukholi bwewe lundi limusiimisia niye. Lino nilio lisaaya lia ng'ali khu Wele nilio mukhoya khurusia.

Lekha lilieyikina lienywe limuelesie kumwikhoyo, ba babefwiilisia mu minaanio kienywe, mala saba biise bioosi.

mukhalekha kamamayaanu kamuula enywe tawe, ne khali muule kamamayaanu khulwe khukhola kamalayi.

Siimana mwabeene ne mwabeene nga bawandaaye ne wandaaye mu Kristo, mala mube ne silukuluku khukhwekesia buriaani buli mundu no wasie.

Busiime khukhwola bube bukwalaafu elala. Biila lili limayaanu, tiila lili lilayi.

Khola koosi niko onyala lubeka lwowo omenye mu muleembe ne buli mundu.

Basaale base, mukharuungia bubi khu bubi tawe, ne kakhali lekhela lirima lia Wele likhole lirio. Sikila liiandiko liboola lili, “Omwami aboola ali, Ndeyacha, ndaruungia.”

Khola kimilimo ne kamaani ne mukhaba bakara tawe. Kholela Omwami kimilimo ne kumwoyo kwe khu khweana khukali.

Ne sikila siianwa sia Wele sie kumwalaalo khwise mboola khu buli mulala khwinywe. Mukheyibaasia khuba be angaaki khukhila nga muli tawe. Ne kakhali mube ne kamebaasio kakolaana mala mwikhalakile mwabeene khuloondekhana khu bukali bwe lisuubila nilio Wele amuelesie enywe.

Omundu yesi yesi ne akhukholele kamabi, okhamuruungia ne kamabi kakaandi tawe. Khaka khukhola niko buli mundu ebaasia ali kali kamalayi.

Menya mu buambaani, buli mulala ne owasie. Mukhaba be kisuunia tawe, ne fukiilila kimilimo kie khukhweboombia. Mukheyibaasia mwabeene nga be limanya tawe.

Ne khali, nga liiandiko liboola: “Omusiku wowo aaba ne ali ne njala, mue alie, aaba ne ali ne bulesia, muelesie sie khunywa, sikila khulwe khukhola murio, mulamuambia chisoni,”

Reeba Wele abiite chikhabi abo bamunyaasia enywe, yee mureebe ababiite chikhabi, akhabalaama tawe. Sangaala ne nabo bali basangaafu, lila ne nabo balikho ne balila.

Saanga mu miaandu kienywe ne bakristo basienywe bakhali nabio tawe, ne yikula chingo chenywe chakaanile bakeni.

Khuli ne bitonyi bikali mu mubili mulala, ne bitonyi bino bioosi bili ne kimilimo kikiabukhana. Mu ngila neng'ene, khwakhaba ne khuli bakali, khuli kumubili mulala mu buambaani ne Kristo, mala fweesi khwaambaasibwa khu buli sia mulala nga bitonyi bibiabukhaane bie kumubili mulala.