Popular Bible Verses from Jo-Rumi 3

Share

nimar ji duto oseketho kendo girem kuom duongʼ mar Nyasaye, to iketogi kare nono kuom ngʼwonone, nikech warruok ma nobiro kuom Kristo Yesu.

Ngima makareni mar Nyasaye, yudore e yor yie kuom Yesu Kristo ne ji duto moyie. Onge pogruok

Nyasaye nochiwe kaka misango mar golo richo, nikech yie kuom rembe. Ne otimo ma mondo onyis timne makare, nikech e kinde motelo, Nyasaye ne ok odewo richo mane ji osetimo nikech kechne. Notimo kamano mondo onyis ratiro e ndalogi ni en owuon en kare, kendo ni oketo kare joma nigi yie kuom Yesu.

Kuom mano, onge ngʼama noket kare e nyime kuom timo gik ma Chik owacho, to kuom Chik ema dhano ngʼeyoe kethone.

Mana kaka ondiki niya, “Onge ngʼama kare, onge kata achiel; Onge ngʼama wach donjone, onge ngʼama dwaro Nyasaye. Ji duto osebaro, giduto gisedoko joma nono; onge ngʼama timo maber, onge kata achiel.”

Nikech gima wangʼeyo en ni ngʼato iketo kare kuom yie to ok kuom rito Chik.

Ooyo, ok kamano kata matin! Nyasaye nyaka bed ja-adiera, to ji duto jo-miriambo, mana kaka ondiki niya, “Mondo ibedi kare ka iwuoyo kendo ilochi ka ingʼadona bura.”