Popular Bible Verses from Romanos 3

Share

Lapan runakuna jutsayuq karmi Tayta Diospa nawpanman chayayta kamäpakärintsu. Tsayno kaykashqapis Jesucristo rantimaptintsimi Tayta Dios kuyapäkuq kashpan perdonamantsi.

Jesucristuman yärakuptintsimi Tayta Dios perdonamashpantsi salvamantsi pï kaptintsipis.

Tsayno perdonamantsi Jesucristuman yärakuptintsimi. Paymi noqantsi rayku sacrificiu kar yawarninta jicharqan. Tsaynöpami Tayta Dios musyatsimantsi ali juzgaq juez kashqanta. Unaypitana runakuna jutsayuq kaptinpis Tayta Dios manami castigarqantsu. Tsayno mana castigarqantsu runakunapa trukan Jesucristuta cruzcho castigananpaq karmi. Tsaynöpami tantiyatsimantsi ali juzgaq juez kashqanta y Jesucristuman yärakuq runakunata perdonashqanta.

Tayta Diospa leyninkunata cumplishqanwanqa manami pipis jutsankunapita perdonashqatsu kanqa. Tayta Diospa leyninkunaqa manami salvamänantsipaqtsu kaykan, sinöqa jutsayuq kashqantsita tantiyatsimänantsipaqmi.

Tayta Diospa palabranchöpis kaynömi qelqaraykan: <<Manami juklaylapis jutsaynaqqa kantsu. Pipis manami tantiyakuntsu. Pipis manami Tayta Diosta ashintsu. Lapan runakunapis jutsatami rurarkaykan. Lapanpis lutankunatami rurarkaykan. Pipis manami kantsu alita ruraqqa. Ni juklaylapis manami kantsu.

Tsaymi kayno nï: Manami leyninkunata cumplishqantsipitatsu Tayta Dios salvamashqantsi, sinöqa Jesucristuman yärakushqantsipitami.

Ama tsayno yarpäshuntsu. Runakuna lulakuptinpis Tayta Diosqa lapan promitishqankunatami cumplin. Tayta Diospa palabranchöpis kaynömi qelqaraykan: <<Nishqaykita cumplirmi rasun kaqlata juzgaykämanki. Juzgamaptiki imano tsapakuytapis manami kamäpakütsu>>.