Popular Bible Verses from Mateo 28

Share

Tsaymi maytsay markakunapapis aywar runakunata yachatsipäkunki discïpulükuna kananpaq. Paykunata bautizapäkunki Tayta Diospa jutincho, Tsurinpa jutincho y Espíritu Santupa jutincho. Tsaynöpis yachatsipäkunki lapan nishqäkunata cäsukärinanpaq. Noqaqa qamkunawanmi imaypis kaykäshaq kay patsa ushakänanyaq>>. [Amén.]

Discïpulunkunaman witiykurmi Jesús kayno nirqan: <<Kay patsachöpis y jana patsachöpis lapanpaq munayniyuq kanäpaqmi Tayta Dios churamashqa.

Warmikuna chayaykuptinnami ángel kayno nirqan: <<Ama mantsakäriytsu. Musyämi crucificashqan Jesúspa ayanta rikaq shapäkamushqaykita. Manami kaychönatsu. Kawarimunanpaq kashqanta nishqannölami kawarimushqa. Shamuy rikay mayman tsutashqantapis.

Jesúsnami kayno nirqan: <<Ama mantsakamaytsu. Aywar wawqïkunata wilapäkuy Galileaman aywananpaq. Tsaychönami paykunawan tinkushaq>>.

Wilaykuptinmi mandaq cürakuna Israel mayor runakunawan juntakaykur wilanakurqan imata rurananpaqpis. Nirkurnami soldädukunata atska qellayta pägar kayno nipäkurqan: <<Runakunata nipäkunki Jesúspa discïpulunkuna tsakaypa aywar ayanta apakärishqanta. Tsaynöpis nipäkunki punukashqa kar imatapis mana mayashqaykita. Pilato mayaptinqa noqakunami paywan parlashaq mana castigashunaykipaq>>. Tsaymi päguta chaskirkur soldädukuna aywashpan mandaq cürakuna nishqannöla runakunata wilapäkurqan. Tsayno wilapäkushqantami Israel runakuna kananyaqpis criyipäkun.