Popular Bible Verses from Mateo 27

Share

Tsay hörami Jesús qayaraypa kayno nirqan: <<Elí, Elí, ¿lama sabactani?>> Tsay ninanqa kayno ninanmi kaykan: <<Tayta Dios, Tayta Dios, ¿imanirtaq kachariykamashqanki?>>

Tsay hörami templu rurincho tsaparaq cortïna janapita urayaq rachikäkurqan. Patsa fiyupa siksikyaptinmi qaqakunapis shilikarqan. Sepultürakunapis kichakaptinmi Tayta Dios munashqanno kawaq runakunapis kawarimurqan.

Tsaypitanami yapay fuertipa qaparar Jesús wanurqan.

Jesústa täpaykaq capitán y soldädunkunapis patsa siksikyaykaqta mayar y lapan pasashqankunatapis rikarmi fiyupa mantsakashpan kayno nipäkurqan: <<¡Rasunpami kay runaqa Diospa Tsurin kashqa!>>

Pulan junaqpita malway intiyaqmi patsa tsakakurkurqan.

Tsayno niptinmi Pilato kayno nirqan: <<Tsayno kaptinqa Cristo nishqan Jesústa ¿imatataq rurashaq?>> Niptinmi lapan kayno nipäkurqan: <<¡Crucificay!>> Tsawraqa Pilato tapurqan: <<¿Ima jutsatataq rurashqa?>> Tsayno niptinpis masraqmi kayno nipäkurqan: <<¡Crucificay!>>