Popular Bible Verses from Mateo 21

Share

Lapan shonquykiwan yärakur imatapis Tayta Diosta manakurqa chaskinkimi>>.

Tsawraqa Jesús kayno nirqan: <<Rasunpami kayno nï: Lapan shonquykiwan Tayta Diosman yärakurqa manami kay hïgus yörata tsakitsishqänölatsu rurapäkunki, sinöqa taqay jirkata: <Kaypita lamarman ayway> niptikipis aywanqami.

Tsawraqa puntanta aywaqkuna y qepanta aywaqkunapis kushikushpan kayno nipäkurqan: <<¡Hosana! ¡Davidpa Tsurin alabashqa kaykulätsun! ¡Tayta Diospa jutincho shamuq runa alabashqa kaykulätsun! ¡Jana patsachöpis alabashqa kaykulätsun!>>

Qarqurmi kayno nirqan: <<Tayta Diospa palabrancho kaynömi qelqaraykan: <Wayïqa kanqa runakuna manakamänanpaqmi>. Tsayno niykaptinpis qamkunaqa suwakunapa machayninmanmi tikratsipäkushqanki>>.

<<Sión runakunata kayno wilay: <Rikapäkuy mandaqniki rey aywaykämuqta. Humildi karmi bürrun muntashqa aywaykämun. Manta bürrun muntashqami aywaykämun> >>.

Tsawraqa Jesús kayno nirqan: <<¿Manaku liyipäkushqanki Tayta Diospa palabran kayno nishqanta? << <Wayi sharkatsiqkuna <<kay rumiqa manami alitsu>> nir jitarishqanmi wayi esquïnan cimientuchöna churaraykan. Tsayno kananpaq Tayta Diosmi kamakätsishqa. Tsaypitami pasaypa kushikuntsi>.

<<Tsaymi qamkunata kayno nï: Mandashqanta qechurkushushpaykimi cäsukuq runakunatana Tayta Dios qoykunqa.