Popular Bible Verses from Efesios 4

Share

Tsayno kawapäkunaykipa trukanqa jukniki juknikipis kuyapänakur kawapäkuy. Jesucristo wanushqanpita Tayta Dios perdonashushqaykinöla perdonanakäriy.

Mana yachaq tukuypa kawapäkuy, pïmaypaqpis ali shonqu kapäkuy y kuyanakur imapitapis pacienciakäriy.

Ama imatapis lutankunata rimapäkuytsu. Tsaypa trukanqa runa mayikita shakyätsinaykipaq ali kaqkunalata rimapäkuy.

Pitapis ama nanaparaytsu, rabyapaytsu ni qayapaytsu. Pipa wasantapis ama rimapäkuytsu ni manakaqkunata parlapäkuytsu.

Rabyakurpis jutsata ama rurapäkuytsu. Qoyaytaqa ama rabyashqala kakäriytsu. Rabyashqala karqa shonquykitami diabluta kichapaykanki.

nawpata kawashqaykino amana kawapäkuynatsu, sinöqa makwa röpata jitariqno unay kawashqaykita jitarqäriy. Nawpataqa alita rurashqaykita yarparmi lutan ruraykunaman umaykikuna churakashqa karqayki. Kananqa Espíritu Santu tantiyatsishushqaykinöla kawapäkuy. Tayta Dios kashqanno qamkunapis kanaykipaqmi mushuq kamashqa runana karkaykanki. Tsayno kaykarqa Tayta Dios munashqanno jutsaynaq kawanaykipaq mushuq kawaychöna kawapäkuy.

Espíritu Santu yanapashushqaykinöla yärakuq mayikikunawan juk shonqula jawka kawapäkuy.

Paymi wakinta churashqa apóstol kananpaq, wakinta profëta kananpaq, wakinta ali wilakuyninta wilakunanpaq y wakintana pastor kar yachatsikuq kananpaq. Paykunata Jesucristo churashqa yärakuq mayinkunata shakyätsir yachatsinanpaqmi. Tsayno yachatsiptinmi kamarikushqa karkaykanqa Tayta Dios munashqanta rurar Jesucristupa cuerpun iglesiata lapanchöpis yanapananpaq. Tsayno kaptinqa lapantsi juk shonqunöla kar y Tayta Diospa Tsurinman yärakur Jesucristo kawashqanno noqantsipis kawashun.

Tsayno kawarqa manami pishi wamranönatsu kashun pipis manakaqkunata yachatsir criyitsimänantsipaq. Tsaynöpis manami punshata wayra wakman kayman apashqannönatsu kashun. Tsaypa trukanqa juknintsi juknintsipis kuyanakur rasun kaqlata imaypis parlashun. Tsaynöpami Jesucristo kawashqanno noqantsipis kawapäkushun. Jesucristo umantsi kaptin