Popular Bible Verses from ZEHPANI 3

Share

Na a Karai Kasang Yehowa gaw, na a ka-ang e rai nga ai; shi gaw daru magam rawng nna, hkye hkrang la na ra ai: na a lam shi kabu gara nna, sharawng awng na ra ai; shi gaw tsawra nna, atsin sha rai nga ai: mahkawn mangoi let, shi nang hta myit kabu nga na ra ai.

Ndai aten e ngai nanhte hpe bai woi wa na nngai; ndai aten e ngai nanhte hpe bai jahpawng da na nngai: kaning rai nme law, bawng dung ai ni hpe, nanhte a man e nhtang wa shangun yang, ga ntsa amyu ni mahkra hta, ngai nanhte hpe amying shingteng jaw nna, shakawn kungdawn shara shatai na nngai,” nga nna Yehowa tsun ai.

Yehowa gaw, nang hpe dawdan ai ga shabai kau nna, na a hpyen wa hpe manga kau nu ai: Israela hkawhkam ngu ai Yehowa gaw, na a ka-ang e rai nga ai; nang gaw tsin-yam tsindam hpe, htawm hpang e hkrit ra ai, n rai.

Yu u, nang hpe zingri zingrat ai ni nlang hte hpe, ndai aten e ngai dawdan na nngai: lagaw hten ai ni hpe ngai hkye hkrang la nna, shabra kau hkrum ai ni hpe jahpawng da na nngai: ga ntsa ting hta kaya hkrum ai ni hpe, shakawn kungdawn shara hte amying shingteng lu ai amyu, ngai shatai na nngai.