Popular Bible Verses from GA SHAGAWP 22

Share

Ma kaji hpe, shi hkan mai ai lam hta sharin u; Shing rai yang, dingla wa yang pyi, lam n yit na ra ai.

Myit nem ai hte Yehowa hpe hkrit hkungga ai a akyu gaw, Sutgan, arawng sadang hte asak rai nga ai.

Arawng lu ai amying hpe, sutgan hte grau nna lata mai nga ai; Masha wa tsawra ai gaw, aja gumhpraw hta grau kaja nga ai.

Myit gadun ai wa hte jinghku hkum hku et; Sindawng katawt ai wa kaw hkum hkan et

N-gaw nwai ai myi tu ai wa gaw, matsan mayan ni hpe gam jaw ai majaw, shaman ai hkrum na ra ai.

Hpaji rawng ai wa gaw, n kaja ai hpe tau chye nna, koi kau nga ai; Nyan tang ai wa chyawm gaw, dingyang sa wa nna, yubak hkrum nga ai.

Sut su wa gaw, matsan mayan ni hpe up na ra ai; Hkoi la ai wa gaw, hkoi ya ai wa a mayam rai nga ai.

Sut su ai wa hte matsan mayan ai wa, hkrum kadup ma ai; Yehowa gaw mahkra hpe hpan da nga ai.

Matsan mayan ai wa gaw, matsan nga ai hpe yu rip nna shi a arung arai hpe hkum kashun la et; Mare chyinghka e dung ai nni nkri hkrum ai wa hpe mung, hkum zingri et. Kaning rai nme law, amu sa tsun yang, Yehowa shanhte hpe maga nna, Shanhte hpe dip sha ai ni a asak hpe, dip jahtum na ra ai.